Свет вачыма дзіцяці

На пярэдадні дня абароны дзіцяці, які традыцыйна праводзіцца першага чэрвеня, прафсаюзны камітэт прафсаюзнай арганізацыі ўстановы аховы здароўя “Астравецкая цэнтральная раённая бальніца” арганізаваў і правёў конкурс дзіцячага малюнка пад назвай “Свет вачамі дзіцяці” сярод дзяцей медыцынскіх работнікаў.

Паводле умоваў конкурсу ўсе удзельнікі былі раздзелены на розныя ўзроставыя катэгорыі: 5-7 гадоў, 8-10 гадоў і 10-14 гадоў. Ацэнку конкурсных работ праводзіла кампетэнтнае журы ў складзе членаў прафсаюзнага камітэту, прафгрупоргаў і старэйшых медыцынскіх сясцёр . Неабходна адзначыць , што прадстаўленыя на конкурс малюнкі закранулі  сэрцы кожнага  члена  журы. Нейкія нябачныя “струны” прымусілі вярнуцца ў краіну дзяцінства нас, дарослых людзей і паглядзець на навакольны свет вачамі дзіцяці, успомніць сваё дзяцінства… .Пасля знаёмства з усімі прадстаўленымі на конкурс малюнкамі журы прыемна адзначыла, што дзеці малююць той свет, які вакол іх: добры, адкрыты, спакойны. На малюнках сонейка,родныя краявіды, жывёльны свет. З асаблівым пачуццём радасці разглядаўся малюнак, дзе намалявана наша планета Зямля , якую ўтрымліваюць  дзіцячыя рукі. А малюнак, на якім лясныя жыхары з “зайздрасцю”  назіраюць за гульнёй дзяцей на прыгожай лясной паляне, асабліва парадаваў членаў журы.

Неабходна падкрэсліць, што дзеці  прынялі актыўны ўдзел у конкурсе дзіцячага малюнка .  Вызначаны і  пераможцы конкурсу : ва узросце 5-7 гадоў : Гасперскі Ілля.  8-10 гадоў Гасперскі Данііл ,  а ў катэгорыі 10-14 гадоў - Бразевіч Жэня. Пераможцы і ўдзельнікі конкурсу “Свет вачамі дзіцяці” атрымалі памятныя падарункі, падрыхтаваныя прафсаюзным камітэтам.

А на ўспамін прыходзяць  словы знаёмай усім нам  песні : “няхай заўжды будзе сонца, няхай заўжды будзе неба, няхай заўжды буду я …”. Яны  маюць асаблівую , магічную сілу і перадаюцца з пакалення ў пакаленне. Няхай так  будзе і надалей!

Старшыня прафсаюзнага камітэта

УАЗ “Астравецкая ЦРБ”                         Т.З.Субаткевіч